والله زماااااااااااااان

إخواتي وخالتي وعماتي وجداتي

تحيه من تحت الضرس كدا عالسريع

بئالي كتير سايبكن في حالكن قلت ما داهيه لتتعودن على كدا فقلت في عقل بالي بئا لازم يا سيادة الأستاذ الواد تنكد عليهن شويتين كدا وأنسب يوم للنكد طبعا يوم الخميس

ليه؟

وأنا إيه عرفني 

القصد خدوا دي

                            • مواصفات اللهم ( إحفظنا وبعيد عني وعن السامعين ) الزوجة                    

                                                          المصرية


متجدده ..
  وليس المقصود هنا إنها كما الحيه  وإنما

أنها تتفنن في طريقة ربطها للطرحه في البيت كل يوم ..
يعني ساعات تربطها علي ورا بس ..
ساعات ترجع تربطها علي فوق
..دايما هتلاقي شكلها مختلف..
وفي كل الأحوال يجيب وجع البطن الصراحه


متدينه ..
ستجدها لا تكف عن الدعاء طوال اليوم من أمثلة
"ربنا ياخدني و يريحني" قولوا امين بسرعه ماهي أكيد بتمطر في أيوتها حته
"ربنا يوعدكم بمراة أب تطلع عنيكم " ..

بتقدر زوجها ..
يعني عمرك ما تلاقيها بتزعق لجوزها ولا بتغلب فيه
غير قدام قرايبهم بس

مرنه .
. وده بيظهر و هي رايحه تشتري حاجه من أي بياع .
. بحيث بتقدر بمرونتها انها تاخد الحاجه أم 50 ب 15 بس
وطبعا بتاحسب المخفي جوزها على إنها بخمسميه


رشيقه


اه رشيقه وده لأنها بتقدر وبرغم ما وصلتله من كم هائل من الكيلوجرامات
أنها تروح وتيجي وتشتغل ولا كأنها وزنها 50 كيلو

واثقه من نفسها ..


وده بيظهر و هي بتتفرج مع جوزها علي "كيد النسا" و تلاقيها بتقوله شوف سميه الخشاب بقت تخينه ازاي مش عارفه هي سايبه نفسها كده ليه
البعيده إتعمت على كبر عادي يعني


ارادتها قويه ..

بالذات أما تكون عايزه تعمل حاجه وجوزها مش راضي تلاقيها تفضل تزن علي دماغه تزن علي دماغه تقولشي بالعه كلبه والده يا أخي لحد ما ينفذلها طلبها


فنانه..

بتتفنن في أنها تنكد علي جوزها وكل واحده لها طرقها و أساليبها ..

بتهتم بنفسها ..

أول ما تعرف أن جوزها خلاص قرر يتجوز عليها ^__^


ملحوظه: مش أتعارف أتعامل مع تجديدات البلوجر دي وبالتالي لا عارف أضيف مدونات ولا أمنع تعليقات فاللي هتشتم  وربنا وربنا لأجيب لها خير الشاطر